வேதாரண்யம் அருகேயுள்ள கோடியக்கரை பகுதியில் கவுன்சிலர் பதவிக்கு போட்டியிட்ட அதிமுக வேட்பாளர் அறிவழகன் போட்டியின்றி தேர்வு செய்யப்பட்டதை அடுத்து, அதிமுகவினர் இனிப்புகள் வழங்கி மகிழ்ச்சியை வெளிப்படுத்தினர்.
நாகை மாவட்டம் வேதாரண்யம் அருகேயுள்ள கோடியக்கரையில், வார்டு ஒன்றிய கவுன்சிலர் பதவிக்கு அதிமுக சார்பில் அறிவழகன் போட்டியிட்டார். அதே பதவிக்கு போட்டியிட்ட திமுக உள்பட பல்வேறு கட்சிகள், வேட்புமனுவை திரும்பப் பெற்றதால், அதிமுகவின் அறிவழகன் போட்டியின்றி தேர்வு செய்யப்பட்டார். இதைத் தொடர்ந்து, பட்டாசுகள் வெடித்தும், இனிப்புகள் வழங்கியும் அதிமுகவினர் வெற்றியை கொண்டாடினர்.