அதிமுக வேட்பாளர் முத்தமிழ்செல்வனை ஆதரித்து துணை முதல்வர் பிரசாரம்

ஸ்டாலின் ஒரு காலமும் முதல்வராக முடியாது என துணை முதலமைச்சர் ஓ. பண்ணீர் செல்வம் தெரிவித்தார்.

விக்கிரவாண்டி தொகுதிக்குட்பட்ட காணை பகுதியில் அதிமுக வேட்பாளர் முத்தமிழ்செல்வனை ஆதரித்து துணை முதலமைச்சர் ஓ. பன்னீர்செல்வம் பிரசாரம் செய்தார். சட்ட அமைச்சர் சி.வி. சண்முகம் உடன் இருந்தார். விழுப்புரம் மாவட்டத்தில் பல்வேறு நலத் திட்டங்களை தமிழக அரசு சிறப்பாக செயல்படுத்தி வருவதை துணை முதலமைச்சர் சுட்டிக் காட்டினார். திமுக தலைவர் ஸ்டாலின் தேர்தல் பிரசாரத்தில் பல பொய்யான தகவல்களை பரப்பி வருகிறார் என குற்றம்சாட்டிய துணை முதலமைச்சர், ஸ்டாலின் ஒரு காலமும் முதல்வராக முடியாது என கூறினார். அதிமுகவில் சாதாரண தொண்டனும் முதலமைச்சராக முடியும் என துணை முதலமைச்சர் தெரிவித்தார்.