திருச்சி மாவட்டம் மண்ணச்சநல்லூரில் பெரம்பலூர் நாடாளுமன்ற தொகுதி அதிமுக வேட்பாளர் என்.ஆர். சிவபதியின் அறிமுக கூட்டம் நடைபெற்றது.
தனியார் மண்டபத்தில் நடந்த இக்கூட்டத்தில் கூட்டணி கட்சிகளான பாஜக, தேமுதிக, பாமக, தமாக மற்றும் புதிய தமிழகம் உள்ளிட்ட கட்சிகளின் ஏராளமான நிர்வாகிகளும் தொண்டர்களும் கலந்து கொண்டனர். நிகழ்ச்சியில் கூட்டணி கட்சிகள் தேர்தலில் பணியாற்றுவது குறித்து ஆலோசிக்கப்பட்டது. இதில் பேசிய வேட்பாளர் சிவபதி, தான் வெற்றி பெற்றால் சமயபுரம் டோல்கேட் பகுதியில் மேம்பாலம் கட்டவும், டோல்கேட் முதல் நாமக்கல் வரையில் நான்கு வழிச்சாலை அமைக்கவும் பாடுபடுவேன் என வாக்குறுதியளித்தார்.