தென்னிந்திய நடிகர் சங்கத்தின் புதிய நிர்வாகிகளை தேர்வு செய்ய தேர்தல் தேதி விரைவில் அறிவிக்கப்படும் என்று சங்கத்தின் தலைவர் நாசர் தெரிவித்துள்ளார்.
சென்னை தியாகராய நகரில் உள்ள தனியார் நட்சத்திர ஓட்டலில், நடிகர் சங்க செயற்குழு கூட்டம் நடைபெற்றது. தலைவர் நாசர் தலைமையில் நடைபெற்ற செயற்குழு கூட்டத்தில், 2019ம் ஆண்டிற்கான நடிகர் சங்க தேர்தலை எப்போது நடத்துவது என்பது குறித்து ஆலோசிக்கப்பட்டது. பின்னர் செய்தியாளர்களிடம் பேசிய நடிகர் சங்க தலைவர் நாசர், ஓய்வுபெற்ற நீதிபதியை தேர்தல் அதிகாரியாக நியமிக்க நடவடிக்கை எடுக்கப்படும் என்று கூறினார்.