வேலூரில் வீட்டின் சுவர் இடிந்து விழுந்து விபத்து

வேலூர் மாவாட்டம், வாணியம்பாடியில் பெய்த கனமழையால் வீட்டின் சுவர் இடிந்து விழுந்ததில் 4 பேர் படுகாயமடைந்துள்ளனர்.

வேலூர் மாவட்டத்தின் பல்வேறு பகுதிகளிலும் கடந்த 3 நாட்களாகப் பலத்த மழை பெய்தது. வாணியம்பாடி கரிமாபாத்தில் மழையால் நனைந்து வலுவிழந்த வீட்டின் சுவர் இடிந்து விழுந்தது. இந்த விபத்தில் வீட்டில் உறங்கிக் கொண்டிருந்த நான்கு பேரின் தலை மற்றும் தோள் பகுதிகள் காயமடைந்துள்ளது. அவர்கள் சிகிச்சைக்காக வாணியம்பாடி அரசு மருத்துவமனையில் அனுமதிக்கப்பட்டு அங்கிருந்து மேல் சிகிச்சைக்காக வேலூர் அடுக்கம்பாறை அரசு மருத்துவமனைக்கு அனுப்பி வைக்கப்பட்டனர். வீடு இடிந்து விழுந்த சம்பவம் குறித்துக் காவல்துறையினர் மற்றும், வருவாய்த் துறையினர் விசாரணை மேற்கொண்டு வருகின்றனர்.