திருவண்ணாமலை அருகே உள்ள கவுத்திமலை, வேடியப்பன் மலையில் மர்ம நபர்கள் வைத்த தீயால், ஏராளமான மூலிகை செடிகள் எரிந்து சாம்பலாகின.
திருவண்ணாமலையை அடுத்த வேடியப்பனூர் கிராமத்தில் உள்ள கவுத்தி மலை, வேடியப்பன் மலையில், மர்ம நபர்கள் தீ வைத்துள்ளனர். இந்த மலைகளில் ஏராளமான மூலிகை மரங்கள் மற்றும் மூலிகை செடிகள் உள்ளன. இந்த தீ பல்வேறு இடங்களில் பரவி, அரிய வகை மூலிகை மரங்கள் மற்றும் செடிகள் எரிந்து சாம்பலாகின. இது குறித்து தகவல் அறிந்த வனத்துறை மற்றும் தீயணைப்பு துறையினர் தீயை அணைக்கும் பணியில் ஈடுபட்டு வருகின்றனர்.