குஜராத்தில் 5 குழந்தைகளுடன் கிணற்றில் குதித்த பெண்ணால் பரபரப்பு

குஜராத்தில் 5 குழந்தைகளுடன் கிணற்றில் குதித்த பெண்ணால் பரபரப்பு ஏற்பட்டது.

பாவ்நகர் மாவட்டத்தில், பாஞ்ச் பிப்லா கிராமத்தை சேர்ந்தவர் கீதா பாலியா. இந்தப் பெண்ணுக்கு 5 குழந்தைகள் இருந்தன. அவர் வறுமையின் பிடியில் சிக்கித் தவித்து வந்துள்ளார்.

இந்த நிலையில் இவர் அங்குள்ள ஒரு கிணற்றில் தன் 5 குழந்தைகளையும் வீசி விட்டு தானும் குதித்தார். இதைக் கண்ட அப்பகுதியைச் சேர்ந்த சிலர், அவர்களைக் காப்பாற்ற கிணற்றில் குதித்தனர்.

ஆனால் அதற்குள் 3 பெண் குழந்தைகளும், ஒரு ஆண் குழந்தையும்  உயிரிழந்தனர். கீதா பாலியாவையும், 10 வயதான மூத்த மகள் தர்மிஸ்தாவையும் மட்டுமே அவர்களால் உயிருடன் மீட்க முடிந்தது. இறந்த குழந்தைகள் 1½ வயது முதல் 8 வயது வரையிலானவர்கள்.

2 ஆண்டுகளாக வறுமையின் பிடியில் சிக்கி, சாப்பாட்டுக்கும் வழியில்லாமல் தவித்த நிலையில், கெட்ட ஆவியின் தூண்டுதலால்தான் பிள்ளைகளை கிணற்றில் வீசிவிட்டு, தானும் குதித்தேன் என்று கீதா பாலியா போலீசாரிடம் தெரிவித்தார்.  அவரை கைது செய்த போலீசார் வழக்குப் பதிவு செய்து சிறையில் அடைத்ததனர்.