தாயை பிரிந்து கிராமத்துக்குள் நுழைந்த குட்டி யானை

சத்தியமங்கலம் வனப்பகுதியில் தாயை பிரிந்த குட்டி யானை, முதுமலை புலிகள் காப்பக யானைகள் வளர்ப்பு முகாமில் பாதுகாப்புடன் பராமரிக்கப்பட்டு வருகிறது.

சத்தியமங்கலம் வனப்பகுதியில் கடந்த மாதம் பிறந்து 10 நாட்கள் மட்டுமேயான பெண் யானை குட்டியை, தாய் யானையை விட்டு சென்றதால், தாயை பிரிந்த குட்டி கிராமத்திற்குள் நுழைந்தது. இதைத்தொடர்ந்து தாயைப் பிரிந்த குட்டியை, தாயுடன் சேர்க்கும் முயற்சியில் வனத்துறையினர் 10 நாட்களாக முயற்சி மேற்கொண்டனர்.

ஆனால் முயற்சி தோல்வி அடைந்ததைத் தொடர்ந்து சத்தியமங்கலத்தில் இருந்து கடந்த வாரம் முதுமலை புலிகள் காப்பகத்தில் உள்ள யானைகள் வளர்ப்பு முகாமில் கொண்டு வந்து சேர்த்தனர். தற்போது யானையை பராமரிக்க தனியாக பாகன் நியமிக்கப்பட்டு ஒரு மணி நேரத்திற்கு ஒரு முறை ஷெர்லக் மற்றும் பால் வழங்கப்பட்டு, மூன்று மணி நேரத்திற்கு ஒருமுறை ஜீரணம் ஆவதற்காக போனிசம் மருந்தும் வழங்கப்படுகிறது.