கடல் சீற்றம் காரணமாக மீனவர்கள் மீன் பிடிக்க செல்லவில்லை

நாகை மாவட்டம் வேதாரண்யத்தில் கடல் சீற்றம் அதிகமாக உள்ளதால் மீனவர்கள் யாரும் மீன் பிடிக்கச் செல்லவில்லை.

வேதாரண்யத்தை அடுத்த ஆறுகாட்டுத்துறை, புஷ்பவனம், வெள்ளப்பள்ளம் மற்றும் மணியன் தீவு உள்ளிட்ட பகுதிகளில் கடல் சீற்றத்துடன் காணப்படுகிறது. இதனால், சுமார் 4 ஆயிரம் மீனவர்கள் மீன் பிடிக்கச் செல்லவில்லை. படகுகள் அனைத்தும் கரையில் நிறுத்தி வைக்கப்பட்டுள்ளன. இதனால், கடற்கரை பகுதிகள் வெறிச்சோடி காணப்படுகின்றன.