காங்கிரஸ் ஆட்சிக்கு வந்தால் ஆந்திராவுக்கு சிறப்பு அந்தஸ்து

மத்தியில் காங்கிரஸ் ஆட்சிக்கு வந்தால், ஆந்திர மாநிலத்திற்கு சிறப்பு அந்தஸ்து வழங்கப்படும் என்று ராகுல் காந்தி உறுதியளித்துள்ளார்.

திருப்பதியில் நடைபெற்ற பொதுக்கூட்டத்தில் பேசிய காங்கிரஸ் தலைவர் ராகுல் காந்தி, ஆந்திராவிற்கு சிறப்பு அந்தஸ்து என்பது பல கோடி மக்களின் ஒருமித்த குரல் என்றார். அது ஆந்திர மக்களின் உரிமை என்று குறிப்பிட்ட அவர், மத்தியில் காங்கிரஸ் ஆட்சியை கைப்பற்றினால், சிறப்பு அந்தஸ்து வழங்குவதை யாராலும் தடுக்க முடியாது என்று கூறினார்.

தேர்தல் வாக்குறுதிகளை நிறைவேற்றுவதில், காங்கிரஸ் கட்சி ஒருபோதும் தவறியதில்லை என்பதற்கு விவசாய கடன் தள்ளுபடி உதாரணம் என்று ராகுல் காந்தி தெரிவித்தார்.