திருப்பதி அருகே தப்பிச் சென்ற செம்மர கடத்தல் கும்பலில் ஒருவர் கைது : போலீசார் விசாரணை

திருப்பதி அருகே பீமவரம் வனப்பகுதியில் போலீசார் மீது கற்களை வீசி செம்மரக் கடத்தல் கும்பல் தப்பிச் சென்ற சம்பவம் தொடர்பாக விசாரணை நடைபெற்று வருகிறது.

பீமாவரம் வனப்பகுதியில் ரோந்து சென்று கொண்டிருந்த போலீசார் செம்மரக்கட்டைகளை கடத்திச் சென்ற கும்பலைப் பார்த்து தடுத்து நிறுத்த முயற்சித்தனர். அப்போது கற்களை வீசி கடத்தல் கும்பல் போலீசார் மீது தாக்குதல் நடத்தியது. இதனையடுத்து போலீசார் துப்பாக்கியால் சுட்டதும் கடத்தல் கும்பலைச் சேர்ந்த 40 பேர் தப்பியோடினர்.

இதில் தர்மபுரியைச் சேர்ந்த குமார் என்பவரை மட்டும் போலீசார் கைது செய்து விசாரணை நடத்தி வருகின்றனர். 10 நாட்களுக்கு முன்னர் செம்மரம் கடத்த 20 பேர் வந்ததாகவும் அனைவரும் தப்பி ஓடிவிட்டதாகவும் போலீசார் விசாரணையில் தெரியவந்துள்ளது.