தி.மு.க. பொதுச் செயலாளர் பேராசிரியர் க.அன்பழகன் காலமானார். அவருக்கு வயது 97.
வயது முதிர்வின் காரணமாக, பேராசிரியர் க.அன்பழகனுக்கு கடந்த 24ம் தேதி உடல்நலக் குறைவு ஏற்பட்டது. இதையடுத்து, சென்னை ஆயிரம் விளக்கு பகுதியில் உள்ள அப்போலோ மருத்துவமனையில், தீவிர சிகிச்சைப் பிரிவில் சேர்க்கப்பட்டிருந்தார். அவருக்கு தொடர்ந்து சிகிச்சை அளிக்கப்பட்டு வந்தநிலையில், சிகிச்சை பலனின்றி நேற்று நள்ளிரவு ஒரு மணியளவில் அவரது உயிர் பிரிந்தது. இதையடுத்து, அவரது உடல், கீழ்ப்பாக்கத்தில் உள்ள அவரது இல்லத்தில் பொதுமக்களின் அஞ்சலிக்காக வைக்கப்பட்டுள்ளது. அரசியல் கட்சிகளின் தலைவர்கள், முக்கிய பிரமுகர்கள், பொதுமக்கள் உள்ளிட்டோர் அஞ்சலி செலுத்தி வருகின்றனர். இன்று மாலை இறுதி ஊர்வலம் நடைபெறுகிறது.