மாநிலங்களவையில் காலியாகும் தமிழகத்தை சேர்ந்த 6 எம்.பி இடங்களுக்கான தேர்தலுக்கான வேட்பு மனுத்தாக்கல் இன்று தொடங்குகிறது
தமிழகத்தை சேர்ந்த அதிமுக மாநிலங்களவை உறுப்பினர்கள் மைத்ரேயன், அர்ஜூனன், லட்சுமணன், ரத்தினவேல் மற்றும் இந்திய கம்யூனிஸ்ட் கட்சியின் டி.ராஜா ஆகிய 5 பேரின் பதவிகாலம் ஜூலை 24 ந் தேதியுடன் நிறைவடைகிறது. இவர்களுடன் திமுகவை சேர்ந்த கனிமொழி ராஜினாமாவை சேர்த்து, தமிழகத்தை சேர்ந்த 6 எம்.பி. இடங்களுக்கான தேர்தல் அறிவிப்பு கடந்த 26ஆம் தேதி வெளியிடப்பட்டது. இதற்கான வேட்புமனுத்தாக்கல் இன்று தொடங்குகிறது. வேட்பு மனுத்தாக்கல் செய்ய ஜூலை 8 ஆம் தேதி கடைசி நாள். வேட்பு மனுக்கள் மீதான பரிசீலனை 9ஆம்தேதி நடைபெறுகிறது. வேட்பு மனுக்களை திரும்ப பெற ஜூலை 11ஆம்தேதி கடைசி நாள். வாக்குப்பதிவு தேவைப்படும் பட்சத்தில் ஜூலை 18 ந்தேதி தேர்தல் நடைபெறும் என்று தேர்தல் ஆணையம் அறிவித்துள்ளது.