ஆந்திர மாநிலம் கிருஷ்ணா மாவட்டத்தில் நின்று கொண்டிருந்த லாரி மீது கார் மோதிய விபத்தில் ஒரு குழந்தை உள்பட 6 பேர் உயிரிழந்தனர்.
தெலங்கானா மாநிலம் கரீம் நகரை சேர்ந்த மல்லாராவ் தனது மனைவி, மகன், மருமகள், பேரக்குழந்தைகள் என 6 பேருடன் திருப்பதி மலைக்கு சுவாமி தரிசனத்திற்காக காரில் புறப்பட்டனர். சென்னை, ஐதராபாத் தேசிய நெடுஞ்சாலையில் அவர்கள் சென்று கொண்டிருந்த போது குட்டலூரு அருகே நின்று கொண்டிருந்த லாரி மீது கார் மோதி விபத்து ஏற்பட்டது. இதில், கார் உருக்குலைந்தது. இந்த விபத்தில் காரில் பயணித்த 5 பேர் சம்பவ இடத்திலேயே பரிதாபமாக உயிரிழந்தனர். கிஷன் என்ற சிறுவன் தீவிர காயங்களுடன் காவாலி அரசு மருத்துவமனைக்கு சிகிச்சைக்காக கொண்டு சேர்க்கப்பட்ட நிலையில், அங்கு சிகிச்சை பலனின்றி சிறுவன் கிஷன் உயிரிழந்தான். விபத்து குறித்து காவல்துறையினர் விசாரணை மேற்கொண்டுள்ளனர். ஒரே குடும்பத்தை சேர்ந்த 6 பேர் விபத்தில் பலியானது அவர்களின் உறவினர்களிடையே சோகத்தை ஏற்படுத்தி உள்ளது.