திருச்செந்தூர் சென்ற வேன் கவிழ்ந்ததில் 6 பேர் பலி

விருதுநகரில் இருந்து திருச்செந்தூர் சென்ற வேன் விபத்துக்குள்ளாகியதில் 6 பேர் சம்பவ இடத்திலேயே பலியாகினர்

விருதுநகர் மாவட்டம் சிவகாசியை அடுத்துள்ள திருத்தங்கல்லை சேர்ந்தவர்கள் ஒரே வேனில் திருச்செந்தூர் சென்றுள்ளனர். நள்ளிரவு 1.30 மணியளவில் கருங்குளம் அருகே சென்றுகொண்டிருந்தபோது வேன் கவிழ்ந்து விபத்துக்குள்ளனது. இதில் வேனில் பயணம் செய்த ஜெகதீஸ்வரன்,அருணசலம்,முத்துலட்சுமி,பாக்கியலட்சுமி,நித்தீஸ்,அனீஸ்பாண்டி ஆகியோர் சம்பவ இடத்திலேயே உயிரிழந்தனர். மேலும் 11 பேர் படுகாயமடைந்தனர். அவர்கள் திருநெல்வேலி அரசு மருத்துவமனையில் சிகிச்சைக்காக அனுமதிக்கப்பட்டுள்ளனர். பின் தகவலறிந்து வந்த காவல் துறையினர் உயிரிழந்தவர்களின் உடல்களை மீட்டு பிரேத பரிசோதனைக்கு அனுப்பி வைத்தனர். விபத்து குறித்து காவல்துறையினர் வழக்கு பதிவு செய்து விசாரணை செய்து வருகின்றனர்.