இங்கிலாந்து- ஆஸ்திரேலியா அணிகள் இடையிலான 5வது மற்றும் கடைசி ஆஷஸ் டெஸ்ட் கிரிக்கெட் போட்டி லண்டனில் இன்று தொடங்குகிறது.
ஆஸ்திரேலிய கிரிக்கெட் அணி, இங்கிலாந்தில் சுற்றுப் பயணம் செய்து 5 ஆட்டங்கள் கொண்ட ஆஷஸ் டெஸ்ட் கிரிக்கெட் போட்டி தொடரில் விளையாடி வருகிறது. இரு அணிகளுக்கும் இடையே நடைபெற்ற 4 டெஸ்ட் போட்டிகளில் 2 வெற்றிகளை பெற்று தொடரில் 2க்கு 1 என்ற கணக்கில் ஆஸ்திரேலியா அணி முன்னிலை வகிக்கிறது.
இந்தநிலையில் இங்கிலாந்து- ஆஸ்திரேலியா அணிகள் இடையிலான 5வது மற்றும் கடைசி ஆஷஸ் டெஸ்ட் கிரிக்கெட் போட்டி லண்டன் ஓவல் மைதானத்தில் இன்று தொடங்குகிறது. இந்த போட்டியில் ஆஸ்திரேலிய அணி வெற்றி பெற்றால் இங்கிலாந்து மண்ணில் 2001ம் ஆண்டுக்கு பிறகு முதல்முறையாக ஆஷஸ் தொடரை வெல்லும்.
எனவே இந்த போட்டியில் வெற்றிக்காக ஆஸ்திரேலிய அணியினர் தங்களது முழு திறனையும் வெளிப்படுத்த முனைப்பு காட்டுவர். வெற்றி பெற்று தொடரை சமன் செய்ய இங்கிலாந்து அணி போராடும் என்பதால் இந்த போட்டி விறுவிறுப்புக்கு பஞ்சம் இருக்காது என எதிர்பார்க்கப்படுகிறது.