வந்தே பாரத் திட்டத்தின் படி இதுவரை 4,75,000 பேர் நாடு திரும்பினர் – அனுராக் ஸ்ரீவஸ்தவா

வந்தே பாரத் திட்டத்தின் மூலம் இதுவரை 4 லட்சத்து 75 ஆயிரத்திற்கும் அதிகமான இந்தியர்கள் நாடு திரும்பியுள்ளதாக வெளியுறவுத்துறை அமைச்சகத்தின் செய்தித் தொடர்பாளர் அனுராக் ஸ்ரீவஸ்தவா தெரிவித்துள்ளார்.ஜூலை 1 ஆம் தேதி வரை 5 லட்சத்து 83 ஆயிரத்து 109 பேர் நாடு திரும்ப விருப்பம் தெரிவித்துள்ள நிலையில் இதுவரை 4 லட்சத்து 75 ஆயிரத்திற்கும் அதிகமானோர் நாடு திரும்பியுள்ளதாக கூறினார். அவர்களில் 90 ஆயிரத்திற்கும் அதிகமானோர் தரைவழியாக நேபாளம், பூட்டான், வங்கதேசம் ஆகிய நாடுகளில் இருந்து தாயகம் திரும்பியவர்கள் எனத் தெரிவித்துள்ளார். மேலும், வந்தே பாரத் திட்டத்தின் நான்காம் கட்டமாக இந்தியர்களை அழைத்து வருவதற்கான விமானங்கள் தொடர்பான பட்டியல் வெளியுறவுத்துறை அமைச்சகத்தின் இணையதளத்தில் இடம்பெற்றுள்ளதாகவும் அவர் கூறினார்.