தேசிய திறனாய்வு தேர்வில் அரசுப்பள்ளியை சேர்ந்த 4 மாணவர்கள் வெற்றி

அரியலூரில் தேசிய திறனாய்வுத்தேர்வில் வெற்றி பெற்ற அரசுப்பள்ளியை சேர்ந்த 4 மாணவர்களுக்கு பாராட்டு விழா நடைபெற்றது

அரியலூர் மாவட்டம் தா.பழூர் ஒன்றியத்தை சேர்ந்த அறங்கோட்டை ஊராட்சி அரசு நடுநிலைப்பள்ளியில் நூற்றுக்கு மேற்பட்ட மாணவ மாணவியர் பயின்று வருகின்றனர். இந்நிலையில் கடந்த சில மாதங்களுக்கு முன்பு நடைபெற்ற தேசிய திறனாய்வு தேர்வில், பழூர் ஒன்றியத்தில் மட்டும் 8 பேர் வெற்றி பெற்றனர்.இதில் 4 பேர் அறங்கோட்டை ஊராட்சி நடுநிலைப்பள்ளியைச் சேர்ந்தவர்கள்.

வெற்றி பெற்ற குழந்தைகளை பாராட்டும் விதமாக, மாவட்ட கல்வி அதிகாரிகள் மற்றும் ஆசிரியர்கள், பெற்றோர்கள் கலந்து கொண்ட முப்பெரும் விழா நடைபெற்றது.. இதில் மாணவ மாணவியருக்கு பரிசுகள் வழங்கப்பட்டதோடு நிகழ்ச்சியின் நிறைவில் மரக்கன்றுகள் நடப்பட்டன…