பொன்னேரி சுற்றுப்பகுதிகளில் வெவ்வேறு விபத்துக்களில் ஒரே நாளில் நான்கு இளைஞர்கள் உயிரிழந்த சம்பவம் சோகத்தை ஏற்படுத்தியுள்ளது.
திருவள்ளூர் மாவட்டம் பொன்னேரி அடுத்த நாலூரில் இருசக்கர வாகனம் மீது லாரி மோதிய விபத்தில் பிரசாந்த் சின்னையா என்பவர் உயிரிழந்தார். இதேபோல்கவுண்டர்பாளையம் பகுதியில் இருசக்கர வாகனம் மீது லாரி மோதிய விபத்தில் சிவா, பெருமாள் ஆகிய இரு இளைஞர்கள் உயிரிழந்தனர். புலிக்குளம் பகுதியில் முன்னால் சென்று கொண்டிருந்த இருசக்கர வாகனம் மீது லாரி மோதியதில் ஆனந்தபாபு என்பவர் உடல்நசுங்கி உயிரிழந்தார். மீஞ்சூர் போலீசார் இவ்விபத்துக்கள் குறித்து விசாரணை நடத்தி வருகின்றனர்.