தேமுதிக வேட்பாளர்கள் நான்கு பேரும் மக்களவைத் தேர்தலில் வெற்றி பெறுவார்கள் என்று தமிழக பா.ஜ.க தலைவர் தமிழிசை செளந்தரராஜன் தெரிவித்துள்ளார்.
மக்களவைத் தேர்தலில் தேமுதிக சார்பில் போட்டியிடும் வேட்பாளர்கள் பட்டியல் அறிவிக்கப்பட்டுள்ளது. இதையடுத்து வேட்பாளர்கள் 4 பேரும் கள்ளக்குறிச்சி வேட்பாளர் சுதிஷ் தலைமையில் தமிழக முதலமைச்சர், துணை முதலமைச்சர் மற்றும் கூட்டணிக் கட்சித் தலைவர்களை சந்தித்து வாழ்த்து பெற்றனர்.
இதன் தொடர்ச்சியாக சென்னை தியாகராய நகரில் உள்ள பாஜக அலுவலகத்தில் அக்கட்சியின் மாநிலத் தலைவர் தமிழிசை செளந்தரராஜனை சந்தித்து வாழ்த்து பெற்றனர். இதைத் தொடர்ந்து செய்தியாளர்களைச் சந்தித்த தமிழிசை செளந்தரராஜன் வேட்பாளர்களாக வந்து வாழ்த்து பெற்றவர்கள், கூடிய விரைவில் எம்.பி.,க்களாக வந்து வாழ்த்து பெறுவார்கள் என்று தெரிவித்தார்.மேலும் பிரதமர் மோடி தலைமையில் தேசிய ஜனநாயகக் கூட்டணி வலுவாக உள்ளதாகவும் குறிப்பிட்டார்.