குமாரபாளையம் அருகே லாரி ஓட்டுநரை கட்டிப்போட்டு லாரியை திருடிய வழக்கில் குற்றவாளிகள் 3 பேரை காவல் துறையினர் கைது செய்துள்ளனர்.
நாமக்கல் மாவட்டம் குமாரபாளையம் அருகே உள்ள பல்லக்காபாளையம் பகுதியில் உள்ள தேசிய நெடுஞ்சாலையில், சர்வீஸ் சாலையில் ஓரமாக சரக்கு லாரி நிறுத்திவிட்டு அதன் ஓட்டுநர் ஆனந்தன் தூங்கி கொண்டிருந்தார். அப்போது 3 பேர் கொண்ட கும்பல் அவரை தாக்கி கை, கால்களை கட்டி போட்டு கொண்டு லாரியை எடுத்து தப்பி சென்றனர். இதனையடுத்து ஆனந்தன் போலீசாரிடம் சென்று புகார் அளித்திருந்தார். இந்த நிலையில், ராசிபுரம் நெடுஞ்சாலையில் வாகன சோதனையின் போது வந்த லாரியை மடக்கி பிடித்தனர். இதில் குற்றவாளிகள் 3 பேரை காவல் துறையினர் கைது செய்தனர்.இதனையடுத்து மாவட்ட காவல் கண்காணிப்பாளர் குற்றவாளிகளை விரைந்து பிடித்த காவலர்களை பாராட்டி பரிசுகளை வழங்கினார்.