இந்தியா – தென் ஆப்ரிக்கா அணிகள் மோதும் 2வது டெஸ்ட் கிரிக்கெட் போட்டி புனேவில் தொடங்கியது. டாஸ் வென்ற இந்திய அணி பேட்டிங்கை தேர்வு செய்து விளையாடி வருகிறது.
தென் ஆப்பிரிக்கா கிரிக்கெட் அணி இந்தியாவில் சுற்றுப் பயணம் மேற்கொண்டு 3 இருபது ஓவர் தொடர், 3 டெஸ்ட் தொடர் மற்றும் 3 ஒரு நாள் கிரிக்கெட் தொடரில் விளையாடி வருகிறது. இருபது ஓவர் தொடர் சமனில் முடிந்தது. முதல் டெஸ்ட் போட்டியில், இந்தியா 203 ரன்கள் வித்தியாசத்தில் வெற்றி பெற்று தொடரில் முன்னிலை வகிக்கிறது. இந்நிலையில், 2 வது டெஸ்ட் போட்டி புனேவில் இன்று தொடங்கியது. டாஸ் வென்ற இந்திய அணி முதலில் பேட்டிங்கை தேர்வு செய்து களம் இறங்கி உள்ளது. தொடரை கைப்பற்ற இந்திய அணியும், வெற்றிபெற வேண்டிய கட்டாயத்தில் தென் ஆப்ரிக்க அணியும் விளையாடி வருகின்றன.