தனியார் பள்ளிகளில் 25 சதவீத இலவச ஒதுக்கீட்டில் மாணவர்கள் சேர்க்கைக்கு விண்ணப்பிக்க இன்று கடைசி நாளாகும்.
பொருளாதாரத்தில் பின்தங்கிய ஏழை, எளிய குடும்பத்தை சேர்ந்த மாணவ, மாணவிகள் 25 சதவீத இலவச ஒதுக்கீட்டில் தனியார் பள்ளிகளில் பயிலும் வசதி உள்ளது. இந்த ஒதுக்கீட்டில் ஒவ்வொரு ஆண்டும் தனியார் பள்ளிகளில் விண்ணப்பங்கள் பெறப்பட்டு, மாணவர்கள் சேர்க்கை நடைபெற்று வருகிறது. இந்தாண்டுக்கான மாணவர் சேர்க்கை தொடங்கி நடைபெற்று வருகிறது. இலவச ஒதுக்கீட்டில் மொத்தம் 1 லட்சத்து 20 ஆயிரம் இடங்கள் உள்ளன. இந்தநிலையில், 25 சதவீத இலவச ஒதுக்கீட்டில் மாணவர்கள் சேர்க்கைக்கு விண்ணப்பிக்க இன்று கடைசி நாளாகும். இதுவரை 1 லட்சத்து 16 ஆயிரத்து 869 பேர் விண்ணப்பித்துள்ளனர்.
அதிகப்படியாக மதுரையில் 7 ஆயிரத்து 439 பேர் விண்ணப்பித்துள்ளனர். இன்று வரை விண்ணப்பிக்கலாம் என பள்ளிக்கல்வித் துறை அறிவித்துள்ளது குறிப்பிடத்தக்கது.