கேரளாவில் இருந்து கோவைக்கு கழிவுகளை ஏற்றி வந்த இரண்டு லாரிகளை பறிமுதல் செய்து காவல்துறையினர் விசாரணை நடத்தி வருகின்றனர்.
கோவை போத்தனூர் பிள்ளையார்புரம் பகுதியில் காவல் துறையினர் வாகன சோதனையில் ஈடுபட்டிருந்தனர். அப்போது கேரளாவில் இருந்து இரண்டு லாரிகள் கழிவுகளை ஏற்றி வந்தது தெரியவந்தது. இதனையடுத்து, இரு லாரிகளையும் காவல்துறையினர் பறிமுதல் செய்தனர். லாரியில் இருக்கும் கழிவுகளை தரம் பிரிக்க மாவட்ட மாசுக்கட்டுப்பாட்டு வாரிய அதிகாரிகளுக்கு தகவல் கொடுக்கப்பட்டது. லாரி ஓட்டுனர்களிடம் விசாரித்தபோது கோவையில் உள்ள குடோனிற்கு கழிவுகளை ஏற்றி வந்ததாக தெரிவித்துள்ளனர்.