திருச்சி மாவட்டத்தில் பன்னிரெண்டாம் வகுப்பு பொது தேர்வில் 93.56 சதவீதம் பேர் தேர்ச்சி பெற்றுள்ளனர்.
பன்னிரெண்டாம் வகுப்பு பொது தேர்வு முடிவுகள் இன்று வெளியிடப்பட்டன. இதில் திருச்சி மாவட்டத்தில் 247 பள்ளிகளைச் சேர்ந்த 15 ஆயிரத்து 919 மாணவர்களும், 18 ஆயிரத்து 563 மாணவிகளும் என மொத்தம் 34 ஆயிரத்து 482 மாணவ, மாணவிகள் தேர்வு எழுதினர். மாணவர்களின் மொத்த தேர்ச்சி சதவிகிதம் 90.71 ஆகும் , மாணவிகள் 96 சதவீதம் பேர் தேர்ச்சி பெற்றுள்ளனர். மாவட்டத்தில் மொத்தம் 93.56 சதவீதம் மாணவர்கள் தேர்ச்சி பெற்றுள்ளனர். கடந்த ஆண்டை காட்டிலும் இது ஒரு சதவீதம் அதிகம் என்பது குறிப்பிடத்தக்கது.