பல மாநிலங்களில் முழு ஊரடங்கு அறிவிப்பு எதிரொலியாக, இந்தியாவில் கொரோனா தினசரி பாதிப்பு குறைந்து வருகிறது.
அதன்படி, கடந்த 24 மணி நேரத்தில், 2 லட்சத்து 40 ஆயிரத்திற்கும் மேற்பட்டோருக்கு கொரோனா தொற்று உறுதிப்படுத்தப்பட்டுள்ளது. இதையடுத்து, மொத்த பாதிப்பு 2 கோடியே 65 லட்சத்தை கடந்துள்ளது. ஒரே நாளில், 3 ஆயிரத்து 741 பேர் உயிரிழந்துள்ளதாக மத்திய சுகாதாரத்துறை அமைச்சகம் தெரிவித்துள்ளது. 3 லட்சத்து 55 ஆயிரத்திற்கும் அதிகமானோர் குணமடைந்துள்ளதாகவும், 28 லட்சத்து 5 ஆயிரம் பேர் சிகிச்சை பெற்று வருவதாகவும், மத்திய சுகாதாரத்துறை அமைச்சகம் தெரிவித்துள்ளது.