சென்னையில் நடைபெற்று வந்த 17ஆவது சர்வதேசத் திரைப்பட விழா இன்றுடன் நிறைவு பெறுகிறது.
சென்னையில் 17ஆவது சர்வதேசத் திரைப்பட விழா கடந்த 12ஆம் தேதி தொடங்கி நடைபெற்று வருகிறது. இதில், 55 நாடுகளைச் சேர்ந்த 130 சர்வதேசத் திரைப்படங்கள் திரையிடப்பட்டன. திரைப்பட விழாவின் நிறைவு நாளான இன்றும் ரசிகர்கள் ஆர்வமுடன் சர்வதேசத் திரைப்படங்களைப் பார்த்து வருகின்றனர். தொடர்ந்து அரங்கம் நிறைந்த காட்சிகளாக சர்வதேசப் படங்களைச் சென்னை வாசிகள், வடமாநிலத்தவர் என அனைத்து தரப்பினரும் பார்த்து வருகின்றனர். சர்வதேசத் திரைப்படங்களுக்கு இணையாகத் தமிழ்ப் படங்களும் எடுக்கப்படுவதாகவும், அப்படிப்பட்ட படங்களை அனைவரும் ஆர்வத்துடன் பார்த்துச் செல்வதாகவும் சினிமா ரசிகர்கள் தெரிவிக்கின்றனர்.