12வது உலக கோப்பை கிரிக்கெட் போட்டி தொடர் இங்கிலாந்தில் தொடங்கியது. முதல் போட்டியில் தென் ஆப்பிரிக்காவை வீழ்த்தி இங்கிலாந்து அணி வெற்றி பெற்றது
12 ஆவது உலக கோப்பை கிரிக்கெட் தொடரின் முதல் போட்டியில், இங்கிலாந்து அணியும் தென் ஆப்பிரிக்க அணியும் களம் கண்டன. தென் ஆப்பிரிக்க அணி டாஸ் வென்று பந்து வீச்சை தேர்வு செய்தது. இதையடுத்து களமிறங்கிய இங்கிலாந்து அணி வீரர் பேர்ஸ்டோ டக் அவுட் ஆகி அதிர்ச்சி அளித்தார். பின்னர் ஜோடி சேர்ந்த ஜேசன் ராயும் ஜோ ரூட்டும் நிதான ஆட்டத்தை வெளிப்படுத்தினர்.
ஜேசன் ராய் 54 ரன்னிலும் ஜோ ரூட் 51 ரன்னிலும் ஆட்டமிழந்தனர். இதன் பின் ஜோடி சேர்ந்த இங்கிலாந்து கேப்டன் மோர்கனும், ஆல்ரவுண்டர் பென் ஸ்டோக்ஸும் சிறப்பான ஆட்டத்தை வெளிப்படுத்தினர். பென் ஸ்டோக்ஸ் 89 ரன்களில் ஆட்டமிழக்க மற்ற வீரர்கள் சொற்ப ரன்களில் ஆட்டமிழந்தனர். 50 ஓவர்கள் முடிவில் இங்கிலாந்து அணி 311 ரன்களை எடுத்தது.