ராம்லீலா மைதானத்திற்கு வாஜ்பாயின் பெயர்

முன்னாள் பிரதமர் வாஜ்பாய் கடந்த 16ஆம் தேதி காலமானார். அவரது அஸ்தி நாடு முழுவதும் உள்ள பல்வேறு புனித நீர்நிலைகளில் கரைக்கப்பட்டு வருகிறது. இந்தநிலையில், தலைநகர் டெல்லியில் உள்ள புகழ்பெற்ற ராம்லீலா மைதானத்திற்கு, வாஜ்பாயின் பெயரை வைக்க , டெல்லி மாநகராட்சி முடிவு செய்துள்ளது. இது தொடர்பாக வரும் 30ஆம் தேதி நடைபெறும் மாநகராட்சி கூட்டத் தொடரில் தீர்மானம் நிறைவேற்றப்பட உள்ளதாக தெரிவிக்கப்பட்டுள்ளது. ராம்லீலா மைதானத்தில் பல்வேறு பொதுக்கூட்டங்களில் வாஜ்பாய் உரையாற்றியிருக்கிறார் என்பதால், அவரது நினைவாக மைதானத்தின் பெயரை, அடல் பிகாரி வாஜ்பாய் ராம்லீலா மைதானம் என மாற்ற முடிவு செய்யப்பட்டுள்ளது.