இந்தியன் இரண்டாம் பாகத்திலும் கமல்ஹாசன் இரண்டு கதாபாத்திரங்களில் நடிக்க உள்ளதாக தகவல் வெளியாகியுள்ளது.
கமல்ஹாசன் – ஷங்கர் கூட்டணியில் 1996 ஆண்டு வெளியான இந்தியன் படம் பாக்ஸ் ஆபீஸ் வசூலை குவித்தது. அப்பா, மகன் என இரண்டு வேடங்களில் கமல் நடித்து இருந்தார். இந்தியன் தாத்தாவாக நடித்த சேனாதிபதி கதாபாத்திரம் பெரிய அளவில் பேசப்பட்டது.
இந்தநிலையில், இந்தியன் – 2 படப்பிடிப்பு விரைவில் துவங்க உள்ளது. லைகா நிறுவனம் தயாரிக்கும் இந்தப் படத்தில் கமல் இரண்டு வேடங்களில் நடிக்க உள்ளதாக தகவல் வெளியாகியுள்ளது. கதாநாயகியாக நயன்தாரா, முக்கிய கதாபாத்திரத்தில் பாலிவுட் நடிகர் அஜய் தேவகன நடிக்கும் இந்தப் படத்திற்கு அனிருத் இசையமைக்கிறார்.