கிரிக்கெட்டில் களமிறங்கும் டென்னிஸ் இளவரசி சானியா மிர்சா!

இந்தியாவில் ஆடவருக்கு நடைபெறும் ஐபிஎல் போட்டிகளைப் போன்று மகளிருக்கான ப்ரீமியர் லீக் தொடங்கப்பட உள்ளது. அதற்கான ஏலம் கடந்த ஞாயிறு அன்று நடைபெற்றது. அந்த ஏலத்தில் ஆர்.சி.பி அணி நிர்வாகம் கோலோச்சியது. ஸ்மிருதி மந்தனா, எல்லீஸ் பெரி போன்ற நட்சத்திர வீராங்கனைகளை தன்வசப்படுத்தியது ஆர்.சி.பி அணி. தற்போது ஆர்.சி.பி அணி நிர்வாகம் வெளியிட்டுள்ள தகவலின்படி, இந்த மகளிர் ப்ரீமியர் லீக் போட்டியில் ஆர்.சி.பி அணியினருக்கு ஆலோசகராக பிரபல இந்தியாவின் முன்னாள் டென்னிஸ் வீராங்கனை சானியா மிர்சா செயல்பட உள்ளார் என்று தெரிவித்துள்ளனர்.