தமிழக பள்ளிக் கல்வித்துறைக்கு உலக சாதனைக்கான சான்றிதழ்

உலகில் முதல் முறையாக தமிழில் கல்விக்கென தனி தொலைக்காட்சி அமைத்ததற்காக ‘யுனிக் வேர்ல்ட் ரெக்கார்ட்’ நிறுவனம் சார்பில், உலக சாதனைக்கான சான்றிதழ் வழங்கப்பட்டது. இதனை முதலமைச்சர் எடப்பாடி பழனிசாமி பெற்றுக் கொண்டார். உலக அளவில் 31 கல்வி தொலைக்காட்சி உள்ள நிலையில், தமிழில் துவங்கப்படும் முதல் தொலைக்காட்சி என்ற அடிப்படையில் இந்த சான்றிதழ் வழங்கப்படுவதாக கூறப்பட்டுள்ளது. அதன்படி தமிழக பள்ளிக் கல்வித்துறைக்கு பாராட்டு தெரிவிக்கப்பட்டது.