சர்வதேச கிரிக்கெட் டெஸ்ட் போட்டிகளுக்கான தரவரிசைப் பட்டியலில் பேட்ஸ்மேன்கள் வரிசையில் இந்திய அணியின் கேப்டன் விராட் கோலி, தொடர்ந்து முதலிடத்தில் நீடித்து வருகிறார்.
சர்வதேச கிரிக்கெட் கவுன்சில் வெளியிட்டுள்ள தரவரிசையின் படி, பெர்த்தில் நடந்த ஆஸ்திரேலியாவுக்கு எதிரான 2-வது டெஸ்ட் போட்டியில் 123 ரன்கள் சேர்த்ததன் மூலம் இந்திய அணியின் கேப்டன் விராட் கோலி 14 புள்ளிகள் உயர்ந்து, 934 புள்ளிகளுடன் தொடர்ந்து முதலிடத்தில் உள்ளார்.
நியூசிலாந்து வீரர் கானே வில்லியம்ஸன் 915 புள்ளிகளுடன் 2-வது இடத்தில் உள்ளார். இந்திய அணியின் விக்கெட் கீப்பர் ரிஷப் பந்த் 11 இடங்கள் முன்னேறி 48-வது இடத்திலும், துணைக் கேப்டன் ரஹானே 2 இடங்கள் உயர்ந்து, 15-வது இடத்திலும் உள்ளனர்.
பந்து வீச்சாளர்கள் வரிசையில் இந்திய வேகப்பந்து வீச்சாளர் பும்ரா 28-வது இடத்திற்கும், முகமது ஷமி 24-வது இடத்திற்கும் முன்னேறியுள்ளனர்.