திட்டக்குடி-வேப்பூர் பகுதிகளில் இடி, மின்னலுடன் மழை பெய்தது

கடலூர் மாவட்டம், திட்டக்குடி வேப்பூர் பகுதிகளில் பெய்த கோடை மழையின் காரணமாக பொதுமக்கள் மற்றும் விவசாயிகள் மகிழ்ச்சியடைந்தனர். திட்டக்குடி மற்றும் வேப்பூர் பகுதிகளில் கடந்த ஒரு மாதமாக கோடை வெயிலின் தாக்கம் அதிகமாகி பொதுமக்களை வாட்டி வதைத்தது. இந்நிலையில் நேற்றிரவு திடீரென திட்டக்குடி மற்றும் வேப்பூர் பகுதிகளில் இடி, மின்னலுடன் கூடிய மழை பெய்தது. இதனால் வெப்பத்தின் தாக்கம் குறைந்து குளிர்ச்சியான சூழல் நிலவியது.