கோவையில் இரண்டு பேரை தூக்கி வீசிக் கொன்ற காட்டு யானை

கோவையில் அடுத்தடுத்த இரண்டு நாட்களில் 2 பேரை யானை தூக்கிவீசி கொன்ற சம்பவம் பொதுமக்களிடையே அச்சத்தை ஏற்படுத்தியுள்ளது. 

உணவு மற்றும் தண்ணீர் தேடி யானைகள், குடியிருப்புக்குள் வருவது வழக்கம். இந்த நிலையில் நேற்று முன்தினம் ஊருக்குள் புகுந்த ஒற்றை யானை, செங்கல் சூளையில் பணிபுரிந்து வரும் கணேசன் என்பவரை தூக்கி வீசியது. இதில் பலத்த காயமடைந்த கணேசன், சிகிச்சை பலனின்றி உயிரிழந்தார், இதனிடையே, துடியலூர் பகுதியில், நேற்று மீண்டும் ஊருக்குள் புகுந்த யானை, மற்றொருவரை தூக்கி வீசி கொன்றது. 2 நாட்களில், 2 பேரை ஒற்றை யானை கொன்றதால் அந்த பகுதி மக்கள் அச்சத்தில் உள்ளனர். யானையை காட்டுக்குள் விரட்ட வனத்துறையினர் தொடர்ந்து நடவடிக்கை எடுத்து வருகின்றனர்.