மாநில அளவிலான வலுதூக்கும் பெஞ்ச்பிரஸ், தண்டால் போட்டிகள் – அமைச்சர் போட்டிகளை துவக்கி வைத்தார்

கோவையில் தமிழ்நாடு அளவிலான வலுதூக்கும் பெஞ்ச்பிரஸ், தண்டால் போட்டிகளை உள்ளாட்சித்துறை அமைச்சர் எஸ்.பி.வேலுமணி துவக்கி வைத்தார்.

தொண்டாமுத்தூரை அடுத்த குளத்துபாளையம் பகுதியில், சாம்பியன் ஜிம், IFF அமைப்பு இணைந்து, 7 பிரிவுகளில் வலுதூக்கும் பெஞ்ச்பிரஸ் போட்டிகளையும், 8 பிரிவுகளில் தண்டால் போட்டிகளையும் நடத்தின.

தமிழ்நாடு அளவில் நடைபெற்ற இந்த போட்டியில், பல்வேறு மாவட்டங்களில் இருந்தும் ஏராளமான வீரர், வீராங்கனைகள் பங்கேற்றனர்.

இதனை துவக்கி வைத்த அமைச்சர் எஸ்.பி.வேலுமணி, இறுதியாக போட்டியில் வெற்றி பெற்றவர்களுக்கு, பரிசுகளையும் கேடயங்களையும் வழங்கி பாராட்டு தெரிவித்தார்.