எல்லைத்தாண்டி மீன் பிடித்ததாக கூறி தமிழக மீனவர்கள் 4 பேரை இலங்கை கடற்படையினர் கைது செய்த சம்பவம் மீனவர்களிடையே பெரும் கொந்தளிப்பை ஏற்படுத்தியுள்ளது.
கச்சத்தீவு அருகேயுள்ள பாக்ஜலசந்தி பகுதியில் ராமேஸ்வரத்தை சேர்ந்த மீனவர்கள் மீன்பிடித்துக்கொண்டிருந்தனர். அப்போது, அங்கு வந்த இலங்கை கடற்படையினரின் ரோந்து கப்பல், மீனவர்கள் படகின் மீது மோதியது. இதில், தமிழக மீனவர்களின் படகுகள் சேதமடைந்தன. மேலும், தமிழக மீனவர்களை விரட்டியடியத்த இலங்கை கடற்படையினர், மீனவர்கள் 4 பேரை கைது செய்தனர்.
இச்சம்பவம் தமிழக மீனவர்களிடையே பெரும் கொந்தளிப்பை ஏற்படுத்தியுள்ளது.