கடந்த நான்கு ஆண்டுகளில் நாட்டின் பாதுகாப்பு அதிகரித்துள்ளது – ராஜ்நாத் சிங்

பா.ஜ.க ஆட்சிக்கு வந்த பிறகு தான் நாட்டின் பாதுகாப்பு அதிகரித்துள்ளது என மத்திய உள்துறை அமைச்சர் ராஜ்நாத் சிங் கூறியுள்ளார்.

டெல்லியில் நடைபெற்ற நிகழ்ச்சியில் கலந்துகொண்டு பேசிய மத்திய உள்துறை அமைச்சர் ராஜ்நாத் சிங், கடந்த 4 ஆண்டுகளில் நாட்டின் பாதுகாப்பு அதிகரித்துள்ளதாகவும், நக்சல் பாதிப்பு மிக்க மாவட்டங்கள் 90-ல் இருந்து 12 ஆக குறைந்துள்ளதாகவும் தெரிவித்தார்.

வடகிழக்கு மாநிலங்களில் சட்ட விரோத ஊடுருவலும் 80 சதவீதம் குறைந்துவிட்டதாக குறிப்பிட்ட அவர், எல்லையில் பாதுகாப்பு பணியில் ஈடுபட்டுள்ள எல்லை பாதுகாப்பு படையினருக்கு, பாகிஸ்தானின் அத்துமீறலுக்கு உடனடியாக பதிலடி கொடுக்க சுதந்திரம் வழங்கப்பட்டுள்ளதாகவும் கூறினார்.