எந்தவித பாதுகாப்பு உபகரணமின்றி கால்வாயை சுத்தம் செய்த தூய்மை பணியாளர்கள்!

உரிய பாதுகாப்பு உபகரணங்கள் இன்றி கழிவுநீர் கால்வாயை சுத்தம் செய்வது, மலக்குழிகளுக்குள் மனிதர்கள் இறங்கி சுத்தம் செய்வது தமிழகத்தின் பல்வேறு மாவட்டங்களில் ஆங்காங்கே தொடர்ந்து நடைபெற்று வருகிறது. இந்தநிலையில் கோவை ரயில் நிலையம் எதிரே தூய்மை பணியாளர்கள் எந்தவித பாதுகாப்பு உபகரணங்களும் இன்றி கால்வாயில் இறங்கி தூய்மை செய்தனர். இதனை அவ்வழியாக சென்ற சமூக ஆர்வலர் வீடியோவாக எடுத்து சமூக வலைத்தலங்களில் பதிவிட்டுள்ளார். அப்போது அந்த தொழிலாளர்களிடம், யார் உங்களை இந்த பணிக்கு பயன்படுத்தியது என கேள்வி எழுப்பினார். அதற்கு பதிலளித்த தூய்மை பணியாளர்கள், தங்களை கவுன்சிலரும், மாநகராட்சி அதிகாரிகளும்தான் கால்வாயை சுத்தம் செய்ய சொன்னதாக கூறியுள்ளனர்.