ரூ.2000 சிறப்பு நிதி வழங்கும் திட்டம் : முதல்வர் நாளை துவக்கி வைக்கிறார்

ஏழைத் தொழிலாளர்களுக்கு 2 ஆயிரம் ரூபாய் சிறப்பு நிதி வழங்கும் திட்டத்தை முதலமைச்சர் எடப்பாடி பழனிசாமி நாளை தொடங்கி வைக்கிறார். வறுமைக் கோட்டுக்குக் கீழ் வாழும் ஏழைகளுக்கு குறிப்பாக விவசாயத் தொழிலாளர்கள் மற்றும் பல்வேறு தொழில்களில் ஈடுபட்டுள்ள ஏழைத் தொழிலாளர் குடும்பங்களுக்கான ஒருமுறை சிறப்பு நிதியுதவியாக 2 ஆயிரம் ரூபாயை முதலமைச்சர் அறிவித்தார்.

நிதியுதவியை அளிப்பதற்கான கணக்கெடுப்புப் பணிகள் தீவிரமாக நடைபெற்றது. மாநகராட்சி, நகராட்சி, பேரூராட்சி வாரியாக கணக்கெடுப்பு நடைபெற்று விவரங்கள் சேகரிக்கப்பட்டு வந்தன. இந்நிலையில் இந்த திட்டத்தை சென்னை தலைமைச்செயலகத்தில் முதலமைச்சர் எடப்பாடி பழனிசாமி நாளை, தொடங்கி வைக்கிறார்.