71வது குடியரசு தினத்தை முன்னிட்டு சென்னை மாவட்ட ஆட்சியர் அலுவலகத்தில் ஆட்சியர் சீதா லட்சுமி மூவர்ண கொடியேற்றி அணி வகுப்பு மரியாதையை ஏற்றுக்கொண்டார். இதனை தொடர்ந்து மாற்றுதிறனாளிகளுக்கும், ஏழை எளியமக்களுக்கும் நலதிட்ட உதவிகளை வழங்கினார்.
இதேபோல், சென்னை மண்ணடியிலுள்ள சுங்கத்துறை அலுவலகத்தில் குடியரசு தினத்தை முன்னிட்டு சுங்கத்துறை முதன்மை ஆணையர் பார்த்திபன் தேசிய கொடியேற்றி மரியாதை செலுத்தினார். தொடர்ந்து காவல்துறை அணிவகுப்பு, பள்ளி மாணவர்களின் அணிவகுப்பு மரியாதையை ஏற்றுக்கொண்டார்.
சென்னையிலுள்ள ரிசர்வ் வங்கியில் தமிழகம் மற்றும் புதுவை மண்டல இயக்குனர் எஸ்.எம்.என்.சாமி மூவர்ண கொடியேற்றி மரியாதை செலுத்தினார்.
சென்னை மாநகர போக்குவரத்து கழகத்தின் தலைமையகமான பல்லவன் இல்லத்தில் குடியரசு தின விழா சிறப்பாக கொண்டாடப்பட்டது. இதில் மாநகர போக்குவரத்து கழக மேலாண்மை இயக்குனர் கணேசன் மூவர்ண தேசிய கொடியை ஏற்றி வைத்து மரியாதை செலுத்தினார்.
சென்னை துறைமுக வளாகத்தில் துறைமுக பொறுப்பு கழக தலைவர் ரவீந்திரன் தேசிய கொடியை ஏற்றிவைத்தார். தொடர்ந்து மத்திய பாதுகாப்பு காவல்படை உதவி ஆய்வாளர் தலைமையில் அணி வகுப்பு நிகழ்ச்சிகள் நடைபெற்றன. நிகழ்ச்சியில் துறைமுகத்தின் பல்வேறு தொழிற்சங்க தலைவர்கள் , அதிகாரிகள் தங்களது குடும்பத்துடன் கலந்து கொண்டனர்.