அதிமுக கூட்டணியில் உயிரைக் கொடுத்து உழைப்பார்கள் எனவும், திமுகவில் மாலை போட்டு கழுத்தறுப்பார்கள் எனவும் பாமக நிறுவனர் ராமதாஸ் குற்றம்சாட்டியுள்ளார். திண்டுக்கல் நாடாளுமன்ற அதிமுக தலைமையிலான கூட்டணியின் பாமக வேட்பாளர் ஜோதிமுத்துவை ஆதரித்து, அக்கட்சியின் நிறுவனர் ராமதாஸ் வாக்குசேகரித்தார். இதற்காக திண்டுக்கல் மணிக்கூண்டுபகுதியில் நிகழ்ந்த மாபெரும் பொதுக்கூட்டத்தில் கலந்துகொண்டு பேசிய அவர் அதிமுகவின் கடைநிலைத் தொண்டன் கூட சூதுவாது இல்லாமல் உண்மையாக உழைப்பார்கள் என்றும், ஆனால், திமுகவில் மாலை போட்டு கழுத்தறுப்பார்கள் எனவும் குற்றம்சாட்டினார்.
மேலும் திமுகவில் கடமை கண்ணியம் கட்டுப்பாடு என எதுவுமே இல்லை என்றும் தெரிவித்த மருத்துவர் ராமதாஸ், ஜோதிமுத்துவை 3 லட்சம் வாக்கு வித்தியாசத்தில் வெற்றிபெறச் செய்யுங்கள் எனவும் கேட்டுக்கொண்டார். இந்நிகழ்வில் அமைச்சர் திண்டுக்கல் சீனிவாசன் மற்றும் அதிமுக கூட்டணிக்கட்சியினர் பலர் கலந்துகொண்டனர்.
Discussion about this post