பருவமழை மற்றும் வெப்பச்சலனம் காரணமாக, தமிழகத்தின் ஓரிரு இடங்களில் இன்று மிதமான மழை பெய்ய வாய்ப்பு உள்ளதாக வானிலை மையம் தெரிவித்துள்ளது.
சென்னையில் வானம் மேகமூட்டமாக இருக்கும் எனவும் சில இடங்களில் லேசான மழை பெய்ய வாய்ப்பு உள்ளது எனவும் கூறப்பட்டுள்ளது. தென் உள் கர்நாடகம், வங்கக்கடல் மற்றும் அந்தமான் கடலில் தென்மேற்கு பகுதிகளில் பருவமழை தீவிரமாகியுள்ளதாகவும் தெரிவிக்கப்பட்டுள்ளது. இதனிடையே தமிழகத்தில் நேற்று 9 இடங்களில் வெப்பநிலை 100 டிகிரிக்கு மேல் பதிவானது. அதிகபட்சமாக திருத்தணியில் 105 டிகிரி வெப்பநிலை பதிவானது. சென்னை மீனம்பாக்கத்தில் 104 டிகிரி, நாகப்பட்டினம், நுங்கம்பாக்கத்தில் 103 டிகிரி வெப்பநிலை பதிவானது.
Discussion about this post