தமிழகத்தில் காலியாகும் 6 மாநிலங்களவை இடங்களுக்கு ஜூலை 18ம் தேதி தேர்தல்

தமிழகத்தில் காலியாகும் 6 மாநிலங்களவை இடங்களுக்கு, ஜூலை 18ஆம் தேதி தேர்தல் நடைபெறும் என இந்திய தேர்தல் ஆணையம் தெரிவித்துள்ளது.

அதிமுக எம்.பி.க்கள் மைத்ரேயன், ரத்னவேல், லட்சுமணன், அர்ஜுனன், இந்திய கம்யூனிஸ்ட் கட்சியை சேர்ந்த டி.ராஜா, திமுகவை சேர்ந்த கனிமொழி ஆகியோரது பதவிக்காலம் ஜூலை 24ஆம் தேதியுடன் முடிவடைகிறது. இந்த 6 இடங்களுக்கும் தேர்தல் அறிவிக்கப்பட்டுள்ளது. அதன்படி, ஜூலை 1ஆம் தேதி வேட்புமனுத்தாக்கல் தொடங்குகிறது. 8ஆம் தேதி வேட்பு மனுத்தாக்கலுக்கு கடைசி நாளாகும். ஜூலை 18ஆம் தேதி காலை தேர்தல் நடைபெறும் என்றும் அன்று மாலையே வாக்கு எண்ணிக்கை நடைபெறும் எனவும் தேர்தல் ஆணையம் அறிவித்துள்ளது.