சென்னை ராயபுரத்தில் உள்ள மேம்பாலத்திற்கு கீழ், மயங்கி கிடந்த முதியவருக்கு உதவிக்கரம் நீட்டிய காவல்துறையினருக்கு பாராட்டுக்கள் குவிந்து வருகின்றன.
ராயபுரம் அருகே உள்ள, என்.ஆர்.டி. மேம்பாலத்திற்கு கீழ் முதியவர் ஒருவர் மயங்கி கிடப்பதாக, பூக்கடை காவல்துறை துணை ஆணையர் ராஜேந்திரனுக்கு தகவல் கிடைத்தது. இதையடுத்து சம்பவ இடத்திற்கு சென்ற வடக்கு கடற்கரை காவல்துறையினர், முதியவரை மீட்டு உணவு வாங்கி கொடுத்தனர். காவல்துறையினர் விசாரித்த போது, அந்த முதியவர் ஆந்திராவைச் சேர்ந்தவர் என்பது தெரியவந்தது. இதனையடுத்து, ஆதரவற்ற முதியவரை தண்டையார்பேட்டையில் உள்ள காப்பகத்தில், காவல்துறையினர் சேர்த்தனர்.