அமைந்தகரையில் பெண்ணை காரில் கடத்தி தாக்கிய விவகாரம்: 5 பேர் கைது

சென்னை அமைந்தகரையில் பெண்ணை காரில் கடத்தி சரமாரியாக தாக்கிய வழக்கில் 5 பேரை போலீசார் கைது செய்து சிறையில் அடைத்தனர்

கீழ்ப்பாக்கத்தை சேர்ந்த திலகவேணி என்பவரை கடந்த 22ம் தேதி 9 பேர் கொண்ட கும்பல் சரமாரியாக தாக்கி காரில் கடத்தி சென்றது. அவர்களிடம் தப்பிய திலகவேணி இது குறித்து காவல் நிலையத்தில் புகார் அளித்தார். குற்றவாளிகளை தனிப்படை அமைத்து போலீசார் தேடி வந்தனர். இது தொடர்பாக 5 பேரை போலீசார் கைது செய்தனர். அவர்களை நீதிமன்றத்தில் ஆஜர்படுத்தி சிறையில் அடைத்தனர். தலைமறைவாக உள்ள 4 பேரை போலீசார் தேடி வருகின்றனர்.