காஷ்மீர் எல்லையில் பாக். ராணுவம் அத்துமீறி தாக்குதல்

ஜம்மு காஷ்மீர் மாநிலத்தில் போர் நிறுத்த ஒப்பந்தத்தை மீறி பாகிஸ்தான் தாக்குதல் நடத்தியதால் எல்லையில் பதற்றம் ஏற்பட்டது.

எல்லையில் போர் நிறுத்த ஒப்பந்தம் அமலில் உள்ளபோதும் பாகிஸ்தான் சார்பில் அவ்வப்போது அத்துமீறி துப்பாக்கிச்சூடு நடத்தப்படுகிறது. இந்திய தரப்பில் இதற்கு பதிலடி கொடுக்கப்படுகிறது.

இந்நிலையில் பூஞ்ச் மாவட்டத்தின் கிருஷ்ண காட்டி செக்டார் மற்றும் ராஜூரி மாவட்டத்தின் கேரி செக்டார் பகுதியிலும் பாகிஸ்தான் அத்துமீறி தாக்குதல் நடத்தியது. குண்டுவீச்சிலும் துப்பாக்கிச் சூட்டிலும் ஈடுபட்டதால் பதற்றம் ஏற்பட்டது. இதற்கு இந்திய தரப்பில் பதிலடி கொடுக்கப்பட்டது.