அமமுக-வைச் சேர்ந்த 200-க்கும் மேற்பட்டோர் அதிமுகவில் இணைந்தனர்

சட்டத்துறை அமைச்சர் சி.வி. சண்முகம் முன்னிலையில், அம்மா மக்கள் முன்னேற்ற கழகத்தில் இருந்து விலகி 200-க்கும் மேற்பட்டோர் அதிமுகவில் இணைந்தனர். விழுப்புரம் வடக்கு மாவட்டம் வல்லம் ஒன்றியத்திற்கு உட்பட்ட கீழ்மாம்பட்டு, கொங்கரப்பட்டு, திருவம்பட்டு, கீழ்பாப்பாம்பாடி கிராமங்களை சேர்ந்த அம்மா மக்கள் முன்னேற்ற கழகத்தினர் 200-க்கும் மேற்பட்டோர் அதிமுகவில் இணைந்தனர்.

அதிமுகவில் இணைந்தவர்களை, அமைச்சர் சி.வி.சண்முகம், பொன்னாடை போர்த்தி வரவேற்றார். அப்போது, ஆரணி நாடாளுமன்ற உறுப்பினர் செஞ்சி சேவல் ஏழுமலை, வானூர் சட்டமன்ற உறுப்பினர் சக்கரபாணி மற்றும் அதிமுக நிர்வாகிகள் பலர் உடனிருந்தனர்.