தேர்தல் பிரச்சாரத்திற்காக பிரதமர் மோடி இன்று கோவை வருகை

பிரதமர் நரேந்திர மோடி பாஜக மற்றும் அதிமுக கூட்டணி வேட்பாளர்களை ஆதரித்து, கோவையில் பிரச்சாரம் மேற்கொள்ள உள்ளார்.

கோவை நாடாளுமன்ற தொகுதி அதிமுக கூட்டணி பாஜக வேட்பாளர் சி.பி.ராதாகிருஷ்ணன் மற்றும் பொள்ளாச்சி அதிமுக வேட்பாளர் மகேந்திரன், மற்றும் திருப்பூர் நாடாளுமன்ற வேட்பாளர் ஆனந்தன், நீலகிரி நாடாளுமன்ற வேட்பாளர் தியாகராஜன் ஆகியோரை ஆதரித்து, தேர்தல் பிரசாரம் செய்ய இன்று மாலை பிரதமர் மோடி வருகை தர உள்ளார். தனி விமானம் மூலம் கோவை வரும் பிரதமருக்கு, தமிழக முதலமைச்சர் எடப்பாடி பழனிசாமி உள்ளிட்டோர் வரவேற்பளிக்க உள்ளனர். பிரதமர் மோடியின் வருகையையொட்டி கோவையில் பாதுகாப்பு ஏற்பாடுகள் பலப்படுத்தப்பட்டுள்ளது.