83 ஆண்டுகள் பழமையான ஸ்ரீநாக சாய் மந்திர் ஆலயத்தில் 20 ஆண்டுகளுக்கு பிறகு அஷ்டபந்தன மகா கும்பாபிஷேக திருவிழா நாளை நடைபெற உள்ளது. இதற்கான பணிகளில் ஆலய நிர்வாகிகளும், பக்தர்களும் தீவிரமாக ஈடுபட்டுள்ளனர். கும்பாபிஷேக திருவிழாவின் ஒரு பகுதியாக கடந்த நான்கு நாட்களாக ஹோம குண்டங்கள் அமைத்து வேதமந்திரங்கள் ஓதப்பட்டு வருகிறது. நாளை காலை 9.30 மணி முதல் 10.30 மணிக்குள் கும்பாபிஷேகம் நடைபெறும் என்றும், இதில் பக்தர்கள் அனைவரும் கலந்து கொள்ள வேண்டும் என்றும் நாகசாயி அறக்கட்டளையினர் அழைப்பு விடுத்துள்ளனர்.
